Aller au contenu

 

  (Consulter la liste complète des poèmes)

  (Voir tous les poètes)



- - - - -

Asseuré suis d'estre prys et lyé
Poème de MELLIN DE SAINT-GELAIS












Asseuré suis d'estre prys et lyé,
Mais asseurer ne puis l'heure et saison
Que je changeay ma franchise à prison,
Dont mon orgueil fut tant humilié.

Si long temps fut couvert et pallié
L'amer du doulx et l'erreur de raison,
Que je cuidois entre loz et poison
Estre immortel et des dieux allié.

Euvre ne fut d'un jour ne d'une annee
Ce changement, mais de main longue et forte
En fut la reth tissue et ordonnee,

Dont aux effaictz du Ciel je la rapporte
Et aux beaulx yeulx qui de fatale sorte
Tournent mes ans, ma vie et destinee.












Voir tous les poèmes de MELLIN DE SAINT-GELAIS






0 commentaire(s)