→Record : Au feu, au feu qui trestout mon cueur ard
Au feu, au feu qui trestout mon cueur ard
Poème de ALAIN CHARTIER
Au feu, au feu qui trestout mon cueur ard Par un brandon tiré d'ung doulx regard Tout enflambé d'ardent desir d'amours ! Grace, mercy, confort et bon secours, Ne me laissez brusler, se Dieu vous gard.
Flambe, chaleur, ardeur par tout s'espart, Etincelles et fumee s'en part ; Embrasé suis du feu qui croist tousjours. Au feu, au feu !
Tirez, boutez, chassez tout a l'escart Ce dur danger, gettez de toute part Eaue de pitié, de lermes et de plours. A l'aide, hélas ! Je n'ay confort d'ailleurs. Avancez vous, ou vous vendrez* trop tart ! Au feu, au feu !
0 commentaire(s)