→Record : Si nostre vie est moins qu'une journée...
Si nostre vie est moins qu'une journée...
Poème de JOACHIM DU BELLAY
Si nostre vie est moins qu'une journée En l'eternel, si l'an qui faict le tour Chasse nos jours sans espoir de retour, Si périssable est toute chose née,
Que songestu, mon ame emprisonnée ? Pourquoy te plaist l'obscur de nostre jour, Si pour voler en un plus cler sejour, Tu as au dos l'aele bien empanée ?
La, est le bien que tout esprit desire, La, le repos où tout le monde aspire, La, est l'amour, la, le plaisir encore.
La, ô mon ame au plus hault ciel guidée ! Tu y pouras recongnoistre l'Idée De la beauté, qu'en ce monde j'adore.
0 commentaire(s)