Sonnet de Monseigneur le Daulphin
Poème de MELLIN DE SAINT-GELAIS

Vous que second la noble France honore,
Pouvez cueillir par ces prez florissans
Oeilletz pour vous seul s'espanouyssans,
Escloz ensemble avec la belle Aurore ;

Pour vostre front le rosier se colore,
Dont les chappeaux si hault lieu cognoissans,
Forment boutons de honte rougissans,
Sçachant que mieulx vous appartient encore.

Ceincte de liz la blanche Galathee
Ses fruictz vous garde, en deux paniers couvertz,
L'un d'olivier, l'aultre de lauriers vertz.

Ainsy chantoit des Nymphes escoutee
La belle Eglé, dont Pan oyant le son
Du grand Henry l'appella la chanson.

Recueil :

Voir tous les poèmes de MELLIN DE SAINT-GELAIS

Du renard et du bouc

Le Niagara

Sonnet de Monseigneur le Daulphin Poème de MELLIN DE SAINT-GELAIS

0 commentaire(s)

Connexion

Sonnet de Monseigneur le Daulphin
Poème de MELLIN DE SAINT-GELAIS